Haraldur Þorsteinsson

23.1.2009 | 16:09

sökkerar

Djöfull sökkar fólk fyrir þessu útspili Geirs. Sú staðreynd að Geir er með krabbamein er enn frekari ástæða fyrir hann að segja af sér og einbeita sér að því að ná bata. Jafnframt, ef hann væri flottur hefði hann ekki gert þetta að aðalatriði, hann hefði viðurkennt að hann hefði gert mistök við stjórn landsins og dregið sig út á þeim forsendum. Svo hefði hann getað unnið sig útúr sínum veikindum. Það að gera æxlið að aðalatriði er tilfinningaklám, hann er að kaupa sér samúð og mér sýnist það vera að virka.

Það er auðvitað leitt að hann er veikur og ég vona að hann nái sér en samt sem áður eiga hans veikindi ekki að koma niðri á stjórn landsins og fólkinu í landinu. Það er eftirtektarvert að hann segist of veikur til að gefa kost á sér til formanns sjálfstæðisflokksins en hann er ekki of veikur til að vera forsætisráðherra áfram. En neinei, nú fara allir að vorkenna Geir voða mikið og gleyma hvert hið raunverulega æxli í okkar landi er, en það er hið úrsérgengna flokkakerfi sem elur á spillingu og eiginhagsmunastefnu flokkanna. Þessu þarf að breyta, það er ekki nóg að fá bara kosningar með sama gamla hyskinu í framboði - og þá er ég að tala um allt liðið, Geir, Ingibjörgu, Steingrím J. osfrv. - liðið sem er búið að vera þarna í tugi ára og er löngu útbrunnið í pólitík. Það þarf að breyta kerfinu, stjórnarskránni o.fl. í átt til beinna lýðræðis og meiri dreifingu valdsins. Ég styð Hörð Torfason í mótmælum áfram, ég vil fá allsherjar uppstokkun hérna.